Bahan Sermon Pangula Na Gok HKBP Distrik 22 Riau
Evanggelium Tu Minggu Trinitatis, Johannes 3, 31-36
Disuru Debata Do AnakNa Jala Dipasaorhon Do TondiNa
3:31 Na ro sian ginjang, I do mangatasi saluhutna. Na ro sian tano on, i ma sian tano on, jala angka na sian tano on do dihatahon.
3:32 Dihatindangkon na ro sian banua ginjang i do na niidana dohot na binegena, gabe ndang adong na manjangkon na hinatindangkonna i.
3:33 Halak na manjangkon na hinatindangkonna i, i do sumahaphon, paboa parsintong Debata.
3:34 Ai na sinuru ni Debata. I do mangkatahon angka hata ni Debata; ai ndang marpanuhatan Ibana mangalehon Tondi i.
3:35 Na holong do roha ni Ama i di Anak i; naung dilehon do saluhutna tu tanganna.
3:36 Naung dapotan hangoluan na salelenglelengna do na mangkaporseai Anak i; alai na so mangoloi Anak i, ndang idaon ni i hangoluan; sai na mian do tahe rimas ni Debata di ibana.
1. Saluhut hataridaan ngolu ni Johannes ima manghatindanghon Panondang na sintong i jala asa tartogu halak tu hatiuron na sian Kristus. Mansai tangkas do ibana mangaradoti i marhite angka pangulaonna. Ndang adong di ibana sangkap manang ambisi tu dirina sandiri jala ndang marusaho ibana palas roha ni jolma. Diparade Debata do ibana 30 tahun jala holan sataon do ibana manindangi taringot tu Kristus i. Idaon songon na marisuang, alai hinaarga ni ngolu sasahalak ndada ditontuhon lelengna mangolu, manang marojahan tu pangjanghonon ni jolma manjalo manang manulaksa, manang ala leleng ni panghobasion; tung Debata do na manontuhonsa. Molo digohi hata ni Debata ngolu ni sasahalak, gok situtu ma ngoluna. Mate do si Johannes Pandidi dung manghobasi ibana sataon; jala Kristus diparsilanghon dung 3,5 taon di angka pangulaonNa. Alai nunga dipeakhon ojahan na hot ro di saleleng ni lelengna.
Mansai ringkot do (more…)