Jamita Partangiangan Pamuhai Jesaya 58, 1-9@

Turpuk : Jesaya 58 : 1-9a

Boasa ndang turpuk Epistel dijamitahon di break the chainRawalumbu !? On ma sada kesepakatan di Rapot Huria, asa ndang turpuk Epistel tu minggu na ro na i dijamitahon manang didiskusihon alai tema-tema na pinillit do. Angka jamita tematis sisongon i do dihilala na umumbuk tu haporluan ni ruas dohot kehidupan ala parjumpangan tu masyarakat na pluralis.

Ia jamita on, marojahan do tu Trito Jesaya, bagian na patoluhon sian panurirangon na pinasahat ni si Jesaya. On ma gabe sada sosososo tu bangso Juda na dibagasan kemunduran secara rohani dohot nang di parsaoran di masyarakat.

Sijamitahononhon do tongtong hata ni Debata asa adong sitiopon ni angka ruas dohot parhalado laho mangarahon ngoluna asa lam umbuk tu lomo ni roha ni Debata. Ia adong na mandok ndang pola relevan be angka na di padan na robi i tu ngolu sinuaeng, alai ndang tarpasoada hinasintong ni angka prinsip naung pinasahat ni Debata sian bangso i mulana, sahat tu ngolu ni jolma di tingki on.

Adong ma ummotikna tolu sipeopon di hita marhite panangkasion panjahaion di turpuk on.

Parjolo, dihalomohon Debata do pelean na tama. Dia do pelean na tama di halak Kristen. Tung so hea ditaringoti di bibel i paboa pelean sipasahaton gabe sada boni ni haluaon. Persembahan tidak pernah menjadi benih dari keselamatan. Alai aha do!? Parbue do. Asa molo pelean na tama di halak Kristen, na jinanghon ni Debata i ma ala adong pelean parbue ni roha na manghamauliatehon haluaon na pinatupa ni Jesus. Jadi ndang sabalikna, asa dapot haluaon. Asa marpelean hita, mangulahon ulaon na denggan dohot marhadaulaton justru ala naung ditobus do hita sian dosa dohot hamatean.
Paduahon, parpuasoon na tama di halak Kristen.
Molo taida di Buku Nabadia adong do manang na piga halak na marpuaso saleleng 40 (opatpulu) ari jala 40 (opatpulu) borngin, ima Musa (2 Musa 34:28; 5 Musa 9:9). Dungi di Padan Naimbaru diulahon Jesus do parpuasoon 40 ari 40 borngin (Mat. 4:2; Luk. 4:2). Dungi adong do manang na piga halak na mangulahon parpuasoon, nang pe ndang pola dipaboa disi manang na piga leleng mangulahon puasa i. Taida ma marpuasa do si Elia, songon i nang si Paulus (Ulaon 14:23), jala diulahon do i tingki-tingki na tontu.
Ia puasa diulahon jolma do i marsasahalak (2 Sam. 12:16ff; 1 Raja 21:27; Psalm 35:13, 69:1), jala boi do tong nang marsasapunguan (sude rakyat) sabangso i (Panguhum20:26; 1 Sam. 7:6; 1 Raja 21:9; Jer. 26:6+9; dna). Ndada holan jolma i marpuasa, di Buku Jona tajaha do dohot do nang sude pinahan dohot do marpuasa di huta Ninive (Jona 3:5ff). Disi taida somalna puasa marhadomuan do tu na masa parungkilon di bagasan ngolu – khususna hasusaan na mangonai tu sandok bangso i, isara ni partontangan (peperangan), masa haleon, na anturaparon, dohot hasusaan na asing – somal do halak Jahudi mangulahon parpuasaon dohot partangiangon tu Debata laho mangido asi ni roha (tu hasesaan ni dosa) dohot nang pangurupion-Na (uju masa partontangan) (Jer. 14:12; Neh. 1:4; Esra 8:21-23; Ester 4:16). Sian i taida mansai jonok do puaso tu panopotion di dosa dohot pertobatan. Alai sian sude Padan Narobi sada do masa parpuasaaon na tangkas ingkon radotan ni sude bangso, i ma puasa na diwajibkan, puasa di ari raya pardengganan (Hari Pendamaian; 3 Musa 16:29ff; 23:27). Sadari i diaturhon do ndang boi nasida manganhon sipanganon, jala disi ma masa pardengganan dalan laho manguras (mentahirkan) nasida.

Dungi di tingki ni Tuhan Jesus marpuasa do angka jolma, jala gabe sada ritus na somal do i diulahon nasida di angka partingkian na tontu (isarana Markus 2:19), jala diulahon jolma ma i gabe sada siradotan pardagingon sambing; gabe so pola adong be lapatanna secara rohani. I do asa dialusi Jesus sungkunsungkun ni natorop i, “Tung tarbahen ma pandongani (Ind. : Sahabat) ni pangoli i marpuasa, saleleng rap dope dohot nasida pangoli i? Saleleng di lambungnasida dope pangoli i, ndang tarbahen nasida marpuasa. Alai na ro ma arina, alaponna ma disi Pangoli i sian tongatonganasida i; disi ma nasida marpuasa”. Ala ni puasa na tama ndada holan puasa na diradoti di pardagingon sambing; alai tung sada pangaradotion na tutu di sude hata ni Tuhan Jesus. I ma haporseaon dohot na mangihuthon hata ni Debata sian nasa roha, jala mangulahon i sian nasa roha. I ma patuduhon Kristus do hagogok ni patik dohot uhum ni Debata, Ibana mangatasi sude angka ruhutruhut pardangingon siradotan ni jolma. Ala ni i ma ndada puasa i dalan dapotan pamintorion sian Debata, alai haporseaon do i ma pangoloion dohot pangulahonon di hata ni Debata na di Bibel i.
Parpuasaaon na tama i do na hatauon mangorom diri sian angka hasomalan dohot haporluan ni pardagingon dohot angka na asing, asa marhite i gumodang tingki dohot rohanta martangiang pasahathon diri tu tangan ni Debata. Asa tarida ma panarihononnta nang sian puasa na tapatupa, di ngolu na denggan suang songon panarihonon di dongan jolma na dangol dohot na pogos.
Roha na manghilala na so tama hita maradophon Debata, i do sasintongna puasa na niulahon angka na badia i. Sian unduk dohot serep ni rohana patuduhon hadirion tu Debata, pola tung tungki uluna songon arung, peak di hori dohot sirabun (ayat 5). Na nidokna disi ndada holan ruhut parduru siradotan uju marpuasa, ala roha na unduk situtu tu Debata. Ai molo holan asa ditanda halak na marpuasa nasida, ndang tama i di Tuhan. I do asa dialo Tuhan Jesus halak Jahudi na mangansi i; manang molo adong halak na mangulahon puasa gabe dalan manguhumi halak na asing na so mangulahonsa. Alai puasa na tama, na pinangido ni Debata tu bangsona asa olo nasida mangulahon hadaulaton marhite palua angka na nirupa, mangaropuhi nasa auga na pasorat dohot memerdekakan halak. Molo diponggoli ho rotim tu halak na male; molo disarihon ho angka angka na dangol dohot panangkarnangkar (Jes. 58:6-7).

Patoluhon, Panjouon na tama tu Debata. Jadi joujou ho tu Ahu, asa alusanku ma ho (Jeremia 33, 3). On ma “nomor” na boi dihubungi tumangkas so pola marpulsa..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s