Siingoton di Rapot Di Huria (2)

Di tingki na galia, ala sude dope mamiaro pinahan lobu sai mura dope diantusi jolma jala masuk tu rohana molo ditaringoti si pina (pinahan) i. Mararahan do songon i pinahan i, jala mangugei di alaman dohot di porlak ni jolma. Jadi boi do dibahen tudosan, ilustrasi dohot angka patoranghon angka poda marhite tudosan pahanpahanan i. Alai anggo nuaeng antong, ba nunga tung marasing. Ndang sai dohonon be antong nuaeng on pinahan lobu patoranghon sipasahaton.
Lumobi di angka rapot di huria : Unang be antong pola sai ditaringoti Babi, Pinahan, Marbinda, Hurje, Babi na sining, hisapna, dna. Ai so pola masuk be antong tu roha ni jolma. Ndada ala so diantusi, alai ala nunga lam maju jala nunga lam matoras huria i. Nunga pola 25 Taon huria, marpesta perak hape sai pinahan lobu dope ditaringoti di Jamita, di rapot nang sermon, bah “apa kata dunia?”
Nunga pagodanghu na binolus ni huria on – istilah ni St J Hutapea – nunga pagodanghu na tinatap ni huria molo sai BABI dope ditaringoti. Ingkon lam marbisuk ma angka na manghatai asa dijalahi angka peristilahan na asing. Dungi muse ndang diantusi jolma, apalagi angka naposo nuaeng on molo ditaringoti pinahan i, ate. Cukup ma holan osengoseng manang sangsang i na lam tabo lompalompana, molo di rapot unang be sai ditaringoti i.

Sandok na naeng dohonon, tapangke ma istilah na tepat jala denggan tarjalo sude, unang na vulgar. Istilah dohot peristilahan na tepat na toho denggan situtu do i mangurupi jolma mangantusi jala manjalo angka sihataan lumobi di forum terhormat di huria i.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s