Jamita Tu Minggu Advent 1, 2 Desember 2012

Jeremia 33:14-16

Niuji do manggombarhon kerangka ni jamita on di bagasan na tolu pandohan kunci di turpuk i, i ma : Bagabaga, Panghirimon, dohot Pasauthon.

1. Ia bagabaga manang janji na nilehon Debata, i do na patauhon huria i mangolu jala marpanghirimon. Nda sasintongna bagabaga janji i do pangoluhon hita? Mambahen marhiras ni roha jala hinsa hita di bagasan na mangula angka ulaonta?? Di Padan na robi, taida do bagabaga do dipasahat Debata tu si Abraham, na ingkon sian ibana do bangso na bolon, jala sian ibana muse pasupasu tu saluhut bangso asal olo ibana borhat tu sada inganan na so hea dope didalani ibana (1 Musa 12). Alai lobi sian bagabaga i, ndada holan sekadar janji alai tung panurirangion do na pinasahat ni Debata tu Ama ni nasa na porsea i. Songon i do nang pamillit ni Debata di bangso i, nda holan bagabaga do dipasahat tu bangso i uju manogihon nasida ruar sian Misir. Tutu dipatuduhon Debata do angka tanda, alai nda tanda na mangihut do i sian bagabaga i.

Jadi mansai ringkot do bagabaga i? Nunga sumir jala klise ne tutu pandohan “janji”. I do asa adong pandohan, “Janji, janji, tinggal janji”. Huroha ala adong parjanji koling – parjanji na so tutu – ujungna gabe tubu pandohan i. Alai taboto do ringkot ni janji berikut penjelasanna. Nuaeng tugas ni huria do pasahathon bagabaga i. Ketersediaan janji yang sejati, i do ra na mansai ringkot soarahononhon ni huria dohot punguan angka na porsea di tingki on. Adong do na marbagabagahonsa tu hita, jala tutu situtu janji i. Sahali nari, ketersediaan janji. Asa unang laho roha ni jolma maon ndang adong be harapan di hita, ndang adong be panghirimon ujungna gabe patah arang.

Boi do taida na mansai fenomenal nuaeng on di DKI? Hira ganup ari tapaihutihut si Jokowi dohot Ahok masuk tu pemberitaan media massa dohot media online, ala kinerja nasida dungkon ni bagabaganasida di tingki na salpu. Terlepas sian sude angka penilaian na mendiskreditkan, ingkon parhatutuon ni masyarakat DKI do sada harapan sian bagabaga i. Adong sada kebangkitan taringot tu hinaringkot ni bagabaga, menyadarkan hita sude ringkot ni apresiasi na denggan tu bagabaga. Adong dope hape na marsitutu mangula ulaonna sadenggandenggan sian nasa tolapna. Ra ndang palobihu dohonon, ndang pola merasa rugi halak na turut berkampanye tu ibana, sian inisiatifna sandiri. Angka na manggadis bakso pe dohot na ma paboaboahon si Jokowi. Parojek tu penompangna pe. Angka partigatiga na di Glodok tu angka parkarejona. Sai hira dapotan nasida nuaeng, ala nunga diida nasida titik terang ni usahonasida i. Las rohana.

2. Panghirimon. Dia do panghirimon i? Didok di Rom 15:4, “Ai nasa na tarsurat hian, bahen poda di hita do, umbahen na tarsurat; asa marpangkirimon hita binahen ni habengeton dohot pangapulon na di bagasan Surat i.” Sian sude angka na sinurat di Bibel i, panghirimon na mauliutus dapot ala tangkas panjahaion dohot panghangoluhonon di Hata ni Debata. Ala ni i, sude parguruanta taringot tu Hata ni Debata marpanghorhon situtu do i tu ngolu panghirimon. Cara berpengharapan.

Gejolak na jumotjot di Advent na parjolo on, ai mamungka ma hita pauli gabagaba dohot angka aksesoris natal na asing. Dia ma sipatupaonta; manang sipanganon dohot angka na asing hadiah di natal. Gabe madabu hita tu panghirimon na dangol situtu, molo holan angka na tarida. Hape na rumingkot i ma asa tongtong hita manatap tu na so tarida. Asa ndang marpos ni roha hita holan tu angka naung tapeop nuaeng, alai lumobi tu angka na so taida i dope, naung dipasahat tu hita. I ma panghirimon na Alkitabiah. Jala pamusatan ni barita na uli di Advent na parjolo on i ma taringot tu pengharapan kepada Allah, sumber yang benar.

3. Debata Pasauthon. Di ujungna dipaboa do tu hita Debata sandiri na pasauthon bagabaga na gabe panghirimon i. Ibana manuanhon panghirimon tu roha ni jolma i, asa gabe marhiras ni roha situtu. Ibana papatarhon bagabaga i, marhite Tuhan Jesus Kristus. Ibana tahe haposan di saluhut angka na binagabagahonna. I do asa didok di Heber 10:23 i, “Marilah kita teguh berpegang pada pengakuan tentang pengharapan kita, sebab Ia, yang menjanjikannya”. “Momos ma tatiop pangkirimon na taparhatopot i, ai haposan do na marbagabagahonsa!” Olat ni naung diulahon Debata sumangkapi haluaon di jolma, songon i ma dipatuduhon Ibana patupahon i. Dohononta ma songon angka na porsea Debata na berinisiatif.

Asa nuaeng nunga dipatupa Debata bagian-Na, tinggal hita na ma mangalusisa.

Di ujung ni pardalanan ni jolma i adong dua ragam hajolmaon on, tudoshon ilustrasi : Adong ma sada bus na pinarade mandalani tano on mamboan hajolmaon tu topi ni banua ginjang. Ia angka na di bagasan bus i, adong ma koruptor, adong pamunu, adong sahalak na hosom situtu rohana tu natorasna, adong pengacara na terkenal, adong muse parjamita na mansai malo di rohana, dohot angka na asing. Pinargogoan ni asi ni roha dohot holong ni Tuhan i mardalan do bus i. Alai dung sahat nasida tu ujung nu dalan i, gabe jumpang ma marragam jolma disi. Saragam na parjolo, i ma halak na mandok tu Debata, “Ale Tuhan, sai saut ma lomo ni rohaM”. Alai na saragam nari i ma halak na dohonon ni Debata ma tu nasida, “Lomo ni roham ma ulahon!” Na dua ragam i do na manompang di “bus” na mamboan nasida sahat tu ujung ni pardalanan ni ngoluna. Ia dung sahat di sirpang ujung ni dalan i, adong ma na tinggal disi, i ma di surgo hasonangan i. Alai adong ma na mian tongtong di bus i, alai laos diboan ma muse nasida mulak tu portibi on. I ma angka na sai mangkaramosi portibi on, na dipaelaela sangkap dohot hagiot ni rohana torus di portibi on. I ma na digombarhon di sada buku na metmet na ginoar ni panuratna songon sada fantasi, The Great Divorce, nikarang ni CS Lewis.

Membaca Jamita Tu Minggu ADVENT I, 2 Desember 2012 pdf.

Serial ebook for samsung GT-P1000 (400X670) pixels better on samsung 7`-
600X1024 pixels

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s