Baisss..!

Adong ma pengusaha tartanda donganna.
Marga dia hamu? Ninna na manungkun i. Marga Lubisss; songon na ganjang dipandok iss-na i. Jadi inanta? Boru bugis. Ai didia do karejomuna? Bisnis. Bisnis aha? Buncis dohot pakis. Bah, ai sahat do tu luar negeri? I do sahat do tu Prancis, Inggris dohot Suiss. Na mahua i di bohimuna? Hona linggis.
Sai songon na bais ibana manghatahon i ai ngingina mas, jadi naeng patuduhononna i tu donganna naeng manghatai.
Alai tep ma bangkrut ma amanta na nidok pengusaha i, gabe pola digadis sude angka artana termasuk ipon mas na i.
Adong ma na manungkun ibana. On na ma alusna. Marga aha hamu? Jompok na ma dialusi ibana. Gultom. Didia hamu maringan? Di Sigotom. Ai aha ulaonmuna. Hona hotom, ndang be hona linggis. Sai songon na hohom na ma marujung ibana di “om” ala ni ndang disi be ngingina i.
Songon i ma halak na naeng patuduhon hamoraonna sambing, manang songon na didok ni Amanta Pdt Darwin, ginjang ni roha dibagasan haserepon. Hahaha….