Paingotingot ma Jesus Kristus, naung dipangolu sian angka na mate; 2 Timoteus 2, 8a

Sai muba do pangkilalaan molo niingot paboa Tuhanta marhasurungan sian tuan dohot tuhan ni na asing. Ai dipaboa buku na badia i do, naung hehe Tuhanta mulak mangolu sian na mate. I do dijamitahon angka apostel ro di angka siparjamita nuaeng.

Sipaingot sian apostel i do turpuk on tu donganna sahaporseaon dohot saulaon di Tuhan i, si Timoteus. Ai ala ni ragam ni hatahata dohot tantangan na ingkon adopannasida uju mamaritahon barita na uli, i do dipasahat si Paulus. “Paingotingot” na marlapatan mangaratatatai i ariari ganup tingki, asa i gabe sada gogo di iba mangula angka ulaonniba. Unang sanga mate mata ni ari so ni ingot Tuhan. Marningot i, songon na paulak hosa loja, gabe sipaneang holiholi dohot sipasindak panaili. Minar ma bohi marningot pambahen ni Tuhan i tu iba, tu sude jolma tahe.

Tutu ndang apala pangkilaan songon na emosional sambing lapatan ni paingotingot hamamate dht haheheon ni Tuhan i. Ai molo “perasaan” manang pangkilalaan sambing do, boi do pejet pangantusion i. Alai songon dalan masuk do i tutu, asa sahat tu na pinangido ni apostel i : marningot huhut manghaporseai asa tubu semangat na imbaru dohot gogo mangula ulaonniba di Tuhan i.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s