BUHABUHA IDJUK

„Ale pardjaga, — nunga beha borngin ?” Tarbege ma alusna : „Nunga buhabuha idjuk, alai…. borngin dope huhut!”
Borngin dope tutu dihilala halak Israel, dung mulak nasida tu tano Kanaan, tano na nilehon ni Debata tu bangsona i. Ndi !…. tarulang, do sude tanona. Pasimpar pasebut do halak Israel di tanona, djala ndang adong hasonangan ni rohana.
Dihatindangkon angka panurirang do nian, na ingkon marpangulahi do roha ni Debata mida bangsona. Na ingkon suruon ni Debata tu nasida sada „Sipalua,” alai ndang haru tangkas tarida dope.
„Aut ro — aut haru ro ma nian Sipalua i !” ninna roha ni bangso i saluhutna. Hape…. Pilit do pangantusion ni rohanasida disi. Diingot Debata do nian bagabagana tu bangsona i, ah…. ingkon saut do na nidok ni Debata. – Nunga buhabuha idjuk nian, alai huhut dope borngin, anggo di roha ni bangso Israel.

Sintong…. nunga saut na nidok ni Debata tu Radja Nebukadnesar marhitehite nipina i. Ingkon lam moru do hasangapon ni angka bangso, na manggomgomi bangso Israel.
Halak Assur — nunga talu dibahen halak Madai dohot Parsi. Nunga ditaluhon halak Makedonia muse halak Madai
dohot Parsi, dung pe i asa ro halak Rom manggomgomi halak jahudi. Alai…. lam moru do hasangapon in angka haradjaon, paima tarida batu na metmet na ro sian banuagindjang laho mangarumpakkon angka haradjaon hian..
Alai buhabuha idjuk dope. Ndang torang dope diida halak Israel haluaon na pinatupa ni Debata di nasida. Lam masihol do nian roha ni bangso i di Sipalua i. Ndi !…. nunga dilehon Kesar ni halak Rom tu bangso Israel sada Radja, alai pinompar ni si Esau do ibana. Ndang i na laho paluahon bangso i, — na ingkon sian marga Juda do Ibana, mangihuthon pandok ni Debata marhitehite panurirang

„Ale pandjaga…. nunga beha borngin i?” Djadi alusna….
„Nunga buhabuha idjuk nian, alai huhut dope borngin !”
,,Malelengku do asa ro Sipalua i, di roha ni bangso i. Ida ma…. nunga opat ratus taon dung ditadingkon halak Israel tano Babel.
Ndang dipaolooloi bangso i be nian ganaganaan, alai dao do rohana sian Debata Jahowa. Ida ma…. dipadjongdjong nasida ma angka bagas parguruan. djala dipabangkit nasida angka Rabbi, na mandok guru manang Sibotosurat. Ganup ari Sabbat marpungu ma nasida, asa djahaon ni angka guru i patik ni si Musa. Halak na pistar do angka guru i, ai sian sikola tinggi do nasida. Alat tahe, . . . adong dope sada rongkanan na asing, i ma halak Parise. Ndada holan patik ni si Musa diadjarhon nasida to bangso Israel, lan dope angka patik na asing disurathon nasida, djala dipaksa nasida do halak Jahudl mangaradoti angka i. Djotdjot do diinsahi Tuhan Jesus pambahennasida, djala digoari nasida pangansi, ala malo nasida mamaksa natorop pasauthon angka patik na binahenna, hape…. dipasiding nasida do ia dirina pasauthonsa.

Satongkin nari nama !…. Satongkin nari nama, ale bangso Israel, ai binsar n di tanomuna Panondang na bolon, – Mata ni ari na tutu, na laho mangalele buhabuha idjuk i. Ibana do Sipalua hamuna dohot Sipalua djolma manisia na manginganhon tano na nilinggoman ni hamatean.
Jesus Kristus,
Anak ni Debata,
Panondang ni portibi on.

Nienet sian Buku Hasudungan Ni Roha Padan Na Robi

Advertisements

2 comments

  1. Pingback: Free Piano
  2. Wah, postingan yang unik amang.
    Makna yang saya tangkap begini..
    Saat malam tiba, kegelapan akan melingkupi dunia. Itulah saat di mana tiap orang beristirahat. Tapi malam hari juga mencerminkan kegelapan itu sendiri. Yaitu saat orang harus menunggu matahari bersinar kembali. Dan itulah saat di mana manusia baru bisa menyadari bahwa hanya ketika terang telah tiba barulah mereka dapat beraktifitas seperti sediakala.
    O’ lambatnya hati manusia dalam kegelapan malam. Itulah sebabnya Tuhan Yesus Kristus harus datang sebagai terang. Ia yang akan menggantikan kengerian malam dengan terang yang penuh sukacita.
    Mauliate amang. 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s