Ise do na manaluhon portibi on, ia so na porsea di Jesus Kristus, Anak ni Debata? 1 Johannes 5, 5

Ndada taringot tu monang dohot talu songon di sada pertandingan ra na naeng dohonon ni turpuk on. Sipota angka perlombaan manang pertarungan na tatanda, manaluhon dongan do, manadingkon dohot pamatehon do. Rupani ia alonta disi ima na tapaadopadop, dompak sipata, mariringan sipata asa marlumba sahat jumolo di garis finish. Sandok ia alonta manang musu disi tung na di duru ni dirinta do.

Alai adong dope sadanari alo manang musu na jotjot mambahen hita tartuktuk, tarsulandit sipata sahat tu tinggang matungkap. I ma musu na ro sian bagas dirinta sandiri : tagoari ma biarnta, holso, ganggu, kurang percaya diri, sahat tu na mansai lohot hagiot dohot hisaphisap ni dagingnta padohot angka hasomalan-hasomalanta i. I ma musu na jumorbut, na ro sian hita, dirinta sandiri. Ndang apala dompak i tapaidaida, manang taida sonson. Buni do ibana rap dohot usahonta, gogonta dohot nasa na tapatupa. Sipota songon rihit, na metmet na so pola taetong i maol. Hape masuk rihit i tu bona ni sisilon ni ina ni jari i, asa mamungka ma maniak, pola sampe magurbak. Didok na deba i ma bahaya laten.

Bahaya dohot paraloan sisongon on do na nidok ni ayat on. Tung apala alo dohot musu na sian dirinta i do, mangalo dohot manaluhon portibi on i do parporangan i. Tung so tarbahen jolma do monang mangalo i ia so adong sinjata i, i ma haporseaon di Tuhanta Jesus Kristus. Haporseaon i do manubuhon pos ni roha dohot panghirimon tarlobi asa margogo jala marhatauon hita monang maralahon portibi on.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s