PARTORDING NI MINGGU UJUNG TAON PARHURIAON 2008 PARNINGOTAN DI ANGKA NA MONDING, 23 Nopember 2008

1. Marende No. 15, 1-3 “Aut Na Saribu Hali Ganda” BL. 103
1. Aut na saribu hali ganda saringar ni soarangki. Naeng nasa gogo bahenonku mamuji Debatanta i; Paboa las ni rohangki hinorhon ni pambaenna i.
2. Tung sura sahat soarangku tu ujung ni portibion, Naeng nasa jolma haraonku mamuji Debata tongtong; Tama do nasa hosangki, hubaen pasangap Tuhan i.
3. Unang ma modom ho tondingku . sai ngot ma ho sai hehe ma. Radot ma ho di ulaonmu sai puji Tuhan Debata, sai pangke nasa malomi mamujimuji Tuhan i.

2. Votum
U :Marhitehite Goar ni Debata Ama, Dohot Goar ni AnakNa Tuhan Jesus Kristus, Dohot Goar Ni Tondi Porbadia, na tumompa langit dohot tano on, Amen.
Ingkon songon i do HatangKu na ruar sian PamanganKu : Ndang mulak boti tu ahu, ingkon bahenonna do lomo ni rohangKu, jala ingkon na manjadi do asa hutongos.
H :O Sude hamu angka na mauas, ro ma hamu tu aek. Jala hamu angka na so marhepeng, ro ma hamu manuhor dohot manganhon!
U :Sai ro ma hamu manuhor anggir dohot susu, Unang pola marhepeng manang marpanuhor. Sai lului hamu ma Jahowa, binsan tarbahen dope jumpang Ibana. Jou hamu ma Ibana binsan jonok dope Ibana, Haleluya…!
H: (Mangendehon) Haleluya..Haleluya.. Haleluya..
U :Martangiang ma hita, Ale Tuhan Debata, Parasiroha jala Pardengganbasa …, Amen. (Agenda 84/57).

3. Marende No 31, 3-4 “Debata Do Manggomgomi” BL. 86
3. Ale Tuhan sai pangolu Jala sai ajari au, Molo ganggu sai patogu Marsak pe apuli au. Tung patorang hataMi sai tongong tu rohangki.
4. Pasupasu pangajaran Na nidok ni hataMi. Sai patogu parpadanan ni na manangihon i. Sai urupi ma na ro martangiang dompak Ho.
4. Patik :
U :Patik ni Debata dihita songon na tarsurat di 1 Korint 6:20, “Ai arga do hamu ditobus: Dibahen i pasangap hamu ma Debata marhitehite dagingmuna dohot marhitehite tondimuna; ai Debata do nampuna i.”
U+H : Ale Tuhan Debata sai pargogoi ma hami mangulahon na hombar tu patikMi, Amen.
5. Koor Ina : ______________________
6. Marende No. 181 “Ndada Tarhatahon” BL. 147
2. Sai husomba hami Ho, ale Tuhan Sesa dosanami Sai asi rohaM. Mombun baen rimasMu Mida hami on Huihuthon hami Ho tu jolo on.

7. Panopotion Dosa :
U: Dibagasan unduk dohot serep ni roha, tatopoti ma dosanta tu adopan ni Debatanta; martangiang ma hita : Ale Amanami jala Debatanami,na di banua ginjang. Pardenggan basa do Ho, jala ro di salelenglelengna do asi ni rohaM.
H: Sai marpamuati ma rohaM di hajahatonnami, jala sai unang ingot be angka dosanami; Ai jotjot hami mardosa maradophon Ho.
U:Jotjot husungguli hami rimasMu marhite sian pangalaosionnami, Sai unang alang asi ni rohaM, sai urupi ma hami, Ho ale Tuhan Debata hatuaonnami, palua hami, jala sesa dosanami, ala ni AnakMu Tuhan Jesus Kristus, Tuhannami, Amen.
….Tingki na hohom : Martangiang….
……… Huhut ma mangkuling poti marende angonangon BL ……

U:Antong tatangihon ma bagabaga ni Debata taringot tu angka hasesaan ni dosa : Ala ni pangalaosinta do umbahen na tartullang Kristus. Jala binahen ni hajahatonta do Ibana mabugang. Ampe tu Ibana pinsangpinsang parhitean ni hasonanganta, jala binahen ni bugangNa malum itahilala,
Hasangapon ma di Debata na di ginjang, Amen !

8. Marende No 187, 4-5 “Denggan Do Panogum” BL.200
4.O Tuhan sai pinuji ma goarMu Ai dipangolu Ho do hami on. Tandaonnami ma pambahenanMu Dung dipatiur Ho do mata on; O Debata lomo do rohaMi Manogu hami di na rodop on. Holong do rohaMi di hami on Naeng sahat tu lambungMu baenonMi.
5. Jahowa sai pasabam ma rohangku Mankadengganhon nasa pambaenMi. Ajari au, patiur ma langkangku Lao mandapothon Ho di surgo i; Sai unang loas ahu lilu be Pasaor ma TondiMi tu rohangkon. Mangiringirig au di tano on Anggiat sahat au tu Ho muse.

9. Epistel : Psalmen 90, 12-17
10. Koor _____________________
11. Marende No 361, 1+3 “Na Denggan Situtu Do” BL.157
1. Na denggan situtu do mamuji Debata, Jahowa na tumimbo Na sai tongtong basa. Denggan do paboahon Manogot asiMi; Bodari mangendehon BurjuM nang sintongMi
3. Ai jadijadianMu Mansai balga do i, Nang angka pingkiranMu mansai bagas do i. Ndang dapot i tandaon Ni baoa na bodo; Ai holan sibotoon Ni na porsea do.
12. Manghatindanghon Haporseaon :
13. Tingting
14. Ulaon Parningotan Di Angka Na Monding :
a. Marende No 334,1 “Nasa Jolma Ingkon Mate” BL. 186
* Nasa jolma ingkon mate,/ ingkon mago sibuk i./Na mangolu ingkon mate/ asa tung denggan muse./ Daging on do gabe bangke, jala ingkon do malangke;/ Asa sogot bangkit i, / tu hasonangan na i.

b. Manjaha Goar-goar ni angka na monding di taon huria 2007-2008
(Manghuling poti marende angonangon BL 50)
Ruas ni HKBP Jorlang Huluan
1. Si ucok ni Pak Dewi Manik, di huta pohon, 23 Nopember 2008
Ruas ni HKBP Marihat Huluan
1. Guranta Br Sigiro (Op Miranda) Marihat Gunung, 3 April 2008
2. Crisnawati Br Purba Lumban Tongatonga, 7 April 2008
3. T Br Manik (Op Arta) Marihat Gunung, 8 Juli 2008
4. Dame Br Napitu (Op. Darman) Marihat Gunung, 11 Oktober 2008

Ruas ni HKBP Gn Pariama Sihaporas
1. Pahotsari Manurung, Sihaporas Bolon, 28 Februari 2008
2. Roselina Br Ambarita (Op Desiana) Sihaporas Aek Batu, 17 Nopember 2008

c. Marende No 347,1+3 “Sai masipaidaan Na porsea i” BL 11
* Sai masipaidaan do na porsea i, dung sahat be langkana; Tu hasonangan i; tu hasonangan i; Tu hasonangan i.
* Sai masipaidaan ma hita on muse di lambung ni Tuhanta. Dung monang hita be; Dung monang hita be, Dung monang hita be.
d. Tangiang Pangondianon na niuluhon Uluan ni Huria :
Angka sitangianghonon :
– Keluarga naung ditadinghon naung jumolo monding i
– Huria dohot Ruasna
– Parhalado Dohot Ruas HKBP Sa-Ress Jorlang Huluan.

15. Marende No 266 “Tu Banuagindjang Do” BL. 151
Pelean Ia + Ib
1. Tu banuaginjang do Pardalanta i. Na dihalungunhon ho Tulus ma disi; Anggo dison mubauba do sude. So sadia na ture di tano on.
2. Tu banuaginjang i sai tabereng be. Molo ngot manogot i nang bodari pe. Olo, tongtong Martangiang ho gogo ia naeng maruli ho di Jesus i.
3. Tu banuaginjang i bereng ma tongtong; Molo na hurangan ho di portibi on. Ndang jadi be ganggu rohami disi Debata patupa i singkop sude.
4. Tu banuaginjang i Lao do sasude. Dongan na porsea i di Tuhanta i; Dohot ma ho alo sipagago i; Taon nama hansitna i satongkin i.
16. Jamita : Pangungkapon 21, 1-8
17. Marende No . 251 “Na Monang i Do” BL. 138
…… Pelean II …..
1. Na monang i do na muse manganhon Parbue ni hau hangoluan i. Ndang jadi idaonna hamagaoan Nang hamatean paduahon i. Ai Debatana Papos rohana Mambaen langkana tongtong tiur,Mambaen langkana tongtong tiur.
2. Na monang i ndang tupa hahuaon Ni hamatean paduahon i. Sai jongjong do ibana maradophon Bohingku di banuaginjang i. Sai idaonna disi Tuhanna Ro di donganna na monang i, Ro di donganna na monang i.
3. Na monang i do lehononku mangan Di surgo manna na buni dope. Pangalahona do tongtong ingoton Margoar na imbaru do muse. Na sinurathon tu batu intan Tongtong martua panjalo i, Tongtong martua panjalo i.
4. Na monang i marnida pambaenanku i do na marmahani bangso i. Pasahatonku deba sahalangku Tu tangan ni sude na monang i. Sai rosahanna muse alona; Patunduhonna do musungki, Patunduhonna do musungki.
18. Tangiang Panutup (Tangiang Pelean) + Pasupasu.

Syaloom..!
Selamat Taon Baru Parhuriaon Ma di Hita,
Ruas & Parhalado HKBP Sa-Ressort Jorlang Huluan

One comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s