Antong, na umboto mambahen na denggan, gabe ndang diulahon, na mardosa ma ibana disi; Jakobus 4, 17

Na manangihon na sintong, gabe ndang dihatindanghon mardosa ma ibana disi; na marnida na denggan gabe ndang diparateatehon mardosa ma ibana; na mameop na sintong gabe ndang dipalangku sintong mardosa ma ibana disi; dna. Boi dope tapaganjang nang hatorangan ni turpuk on. Alai na ingkon parhatutuonta, i ma paboa sude na nunga dilumbahon Tuhan i angka siulaonta. Didok halak batak, tinalik bulung sihupi, pinarsaong bulung siala, unang manolsol dipudi ndada sipaingot na so ada. Lapatanna, hurang lobi penyesalan selalu datang menyusul.

Ia sipaingot na sian Apostel Jakobus on marrumang poda umum jala marlangku disude partingkian ni jolma. Asa sude jolma mangargahon angka poda, sipaingot dohot ruhutruhut na denggan na ingkon ulahononhon. Didok Tuhan Jesus sahali, ia dosa ni halak parise na umbalga i ma ala diboto nasida do angka patik i, jala tangkas do diparatarata nasida mangguruhon, alai gabe ndang dijangkon nasida dibagasan roha parbagason. Holan na umbotosa do nasida, ndang sahat tu na mamarangehonsa. Diboto do alai paula so diboto; dibege do alai ndang ditangihon, jala diida do alai ndang diparrohahon.
Gabe siulahon hata i ma hita, unang holan mananginangi angka na paotootohon diri (pat. Jak. 2, 17).

Advertisements

2 comments

  1. Ima nuaeng na hubereng masa di ngolu ni bangsonta nuaeng lae…(jaha bangso indonesia dht kristen) mansai jotjo diangihon na sintong i gariada diboo do tahe! alai….marsalpuan do holang konsumsi pinggol ndang terasa pangontakna tu parngoluon/pambahenanna. horas! ingot lae http://castlesianipar.wordpress.com/

    ok lae, niingot pe. maju terus.. blogging, ditangihon manang so ditangihon.

  2. Ulahon hamu bo angka na denggan i, sotung mardosa hamu. isarana rupani : molo dapotan pasu-pasu hamu, bagi-bagi hamu tu angka donganmuna. nanggo apala sandais ate. tabema tu donganta na di Sumatera Timur

    ditangihon angka na marpinggol ma i ate laengku, ai bagak do huida lae bah marfoto dohot ompunta i. ai naung di palembang do hape hamu, selamat melayani ma tutu.
    tabe muna i, pinasahat pe tu angka dongan na di sumatera timur on.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s