SONGON I DO HAPE ?

Dung haruar acara parmingguan, nunga manigor murudur angka sudaco di jolo ni gareja i paimahon angka panumpangna, i ma angka na baru haruar sian gareja i.
Naek ma nang hami tu sudaco i, udur muse ma nang angka dongan ina na asing. Ala ganjang ni antrian ni sudaco i, gabe sanga ma marsirarion angka penumpang i paima borhat.
“Tingkos do jamita ni Pandita nangkin ba . . . taringot tu angka amanta dohot inanta sintua na baru tarpasupasu manang manjalo tohonan i. Ndang pangula ni Pandita nasida, alai pangula jala panghobasi di Huria ni Tuhanta do. Ingkon benget nasida mangula songon sintua. So manang margaji manang marhonorarium nasida. Sandok pengabdian do. Atik ma Pandita manang Guru Huria margaji do i. Hape sai gumodang do hatahata tu angka sintua sian ruas, ai nasida langsung marhubungan dohot melayani ruas. Peol otik pe siporhot (sanggul) ni inanta sintua i tongon martugas papungu pelean ingkon sude hita angka inanta ribut mangkritik nasida”, ninna sahalak ina na di sudaco i.
Dungi dialusi dongan ina na asing na di sudaco i ma muse : “Ai so tu jamita i be rohangku puang. Dipasombu hamu do au nangkin gabe songon solo tingki na markoor i hita. Kan tolu ketok do endenta na di baris paduahon i, hape manigor so hamu, baru saketok pintor hohom hamu. Gabe hira na au puang na sala. Hape tingki latihan, nunga sai diondolhon. gurunta sitolu lotak i asa taingot mambahen gumanjang”. Dungi rap margak ma angka inanta i, huhut diulahi nasida mangendehon sisabingkas i.
Tep ma di na laho turun, dipapungu nasida ma ongkos tu sahalak na umposo sasaratus be sahalak, huhut didok : “Kau yang kasih ongkos kita nanti dek dan kalau diminta tambah, ini masih anak sekolah, nimmu ma”. Jompok hata dohonon turun ma angka inanta i. Dung digarar utusan i ongkos si Rp. 100 be, dungi didok kondektur i ma : “Ini masih kurang dek!”, “anak sekolah kok”, ninna silehon hepeng i. Mardalan ma sudaconami i alai sai marhatahata ma kondektur i : “Masa orang baru keluar dari gereja, pelit begitu. Mau berbohong hanya gara-gara limpul saja. Inilah memang watak inanginang”, ninna kondektur i muse ma.
Songon i ma na nirekam sabagian sian pangalaho ni hita ina Kristen.

Rekaman C.E.S
Sp Ina No 7/1991; p 36-7

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s