DAGO, NUNGA PULOS HAPE ULUNA I!

Adong ma sahalak parhonda. Dipangke ibana ma jacketna, ala nunga ro udan. Balik do jacketna i dipangke. Tu pudi do dibahen parhansinganna. Didok rohana nian, asa unang boi masuk aek udan tu andorana. Dung i, so panagaman. Madabu ma parhonda i; Laos bostang di topi ni dalan i, pola do sampe pingsan. Dungi i, ro ma pamolus. Asi ma rohana tu parhonda i. Gabe humalaput ma ibana mangurupisa. Alai dung jonok, diida ma bohi ni na madabu i nunga sap mudar, jala dipamanat jacketna, na ditoru do parhansinganna. Didok ma : “Dago, nunga pulos hape uluna i, jala laos dipuloshon ma muse, sampe mardorop rungkungna. Didok rohana nian laho paulakhon na pulos i.
Dung i dipamanat ma muse, dipaima, dipaima, laos so humordit be. Tahutan ma ibana, ai ndang manggulmit be parhonda na pingsan i.
Ndang na naeng pahombaronta barita on tu barita ni halak Samaria na asi roha i. Pinaandar pe on, marnida ala lam godang do di tingki on, na mangalehon pangurupion dohot holong ni roha na sala. Lumobi ma di tongatonga ni keluarga. Boi do tabuat sian barita on manang na piga na gabe sorminan di ngolunta :
Na holong do roha ni pamolus i tu parhonda na madabu i. Alai ala so manat, jala ndang diida jumolo parpeak ni na pingsan i, gabe mansalai do pangurupionna i.
Ringkot do pamanaton manang paresoon jumolo keadaan ni sasahalak na naeng siurupan. Sotung gabe parohon mara manang panghorhon na negatip tu siurupan. Umpamana : Godang do natoras na sala patuduhon holong roha tu ianakhonna. I ma marhite na pamanjahon, na manggohi nasa pangidoanna, na mangalehon haporluan na palobihu, gabe sipata pamatehon kreatifitas dohot cara berpikir ni dakdanak i manang na umposi dope sian i.
Ianggo Tuhanta, holong do rohaNa di hita, jala tongtong do diurupi hita di sude ulaon dohot parungkilon ni ngolunta. Alai tontu, diida do jumolo hatauonta. Asa manang aha pe na masa di ngolunta tongtong manghorhon tu na denggan.

Kiriman : darwin tobing.
SP Imm No.10/1984; p. 60

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s