SIERGETERGET

Di na sahali marminggu do iba di sada huria di bona ni pasogit. Denggan do mardalan acara parmingguon sian mulai masuk sahat to na manjaha tingting. Dung sae tingting jongjong ma amanta Lerling Sintua, huhut ma didok : Marende ma hita, ninna huhut dibungka Buku Endena, laos dijaha ma hata ni ende i, ninna ma :
Jeru uum, Jeru uum. Na timbul nahinan
Na dipatimbo Debata ho, Ro di langit an.
Taendehon ma, ninna. Ro ma amanta Pejabat Guru Huria i didok ma hatana. Ulahi hamu jo jaha hamu. Sintong dok hamu panjahana, ninna. Diulahi amanta Lerling Sintua on ma muse manjaha ende; Jeru uum. Jeru uum, Na timbul .. . d.u. Longang sude angka parminggu i, huhut masiberengan, jala nunga mulai habegean engkel na mallikik dohot soara na marungutungut.
Unang apala gaor, ninna roha ni sahalak Sintua, pintor jongjong ma nasida, jala dijaha ma hata ni ende i jala gogo didok. Jerusalem, Jerusalem, na timbul nahinan. Na dipatimbo Debata ho. Ro di langit an. Taendehon ma, ninna. Pintor tarbege ma antong ende na maruolol, huhut mardongan engkel ala ni erget ni rohana be. Holan sae parmingguon, pintor jongjong ma sahalak natuatua na hundul di jolojolo, didok ma hatana.
Natuatua : “Ai na asing do amang sintuanami Buku Endemuna i sian Buku Endenami on ?” (Alai ro ma natuatua na hundul di lambungna, ditombis ma natuatua na manungkun on).
Lerling Sintua : “Ndang amang,” ninna.
N : “Antong molo na so asing do, boasa ndang Jerusalem, Jerusalem jahaonmuna”, ninna.
LS : “Beha do bahenonku amang mandok i, ai goar ni amang simatuangku hata ni endenta i” ninna huhut diserbeng simatuana na margoar si Salem, na patampak hundul dohot natuatua on.
N : “Leak do hape ditombis ho ahu nangkin, na si Salem do hape goarmu,” ninna; jala pintor sabur ma engkel na margagak ala ni erget ni rohana, huhut rap jongjong be laho haruar.

Siingoton :
Hamu angka dongan panjaha, lumobi dongan Sintua. Ingkon pantun do hita maradophon natuatua, alai sala do molo “papantunhu” songon na di barita on. Lumobi di tingki marhalado hita, unang gabe gaor ruas ala ni hita. Ndang sala dohonon goar ni natuatua, asal ma unang sian leas ni roha. Mauliate!

St. Gr. B. Simanjuntak, Medan.-
SP Imm. No.7/84

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s