On ma Hupatikhon tu hamu : Masihaholongan ma hamu! Johannes 15,17

Aut sugari mago manang tartutung pe sude isi ni bibel i, holan Joh 3,16 do tinggal boi dope dapot pusuk jambu ni hata ni Debata, ninna Ds PM Sihombing di sada buku nasida “Puro ni Jamita”. Lapatanna, aut sugari ndang marholong ni roha Debata mida portibi on marisuang ma sude angka hata i. Jala i do pamusatan ni sandok panurirangion, poda, jamita dohot pangungkapon na di buku i.

Ia holong ni Debata tung holong na mamolin do, dao sian sangkap naeng patamba paruntungan sambing, dao sian roha naeng pamatehon, tung roha dohot sangkap naeng pangoluhon do. Gariada tahe marhite holong ni Tuhan i olo Ibana sandiri gabe pelean pardengganan ni jolma tu diriNa marhite AnakNa sandiri.

Tung jompok do nian hata i : Masihaholongan ma hamu! I ma poda dohot sipaingot tu hita dipatikhon Tuhan i, asa marguru tu Ibana mangulahon haholongan. Tung apala jempek do pandohan i, alai ndang jempek manang pejet sambing lapatanna. Tung dipangido godang tingki, roha dohot pambahenan pasauthon na masihaholongan. Hita naung dihaholongi Debata, dipangido manondanghon haholongan i nang tu angka dongan.

Jotjot do tarhirim hita ala tahirim donganta manghaholongi hita. Ala marisuang, tung pejet do haholongan nang di tingki on, tu donganna humaliang. Ala ni i, marsitutu ma hita pasauthon i so tarhirim dongan jumolo manghaholongi hita; tung hita do parjolo. Didok di Luk 7,12 Manang aha dipangido roham sibahenon ni halak tu ho, i ma bahen tu dongan jolma.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s