Tona Sinode Godang HKBP 2008

Tona (Pesan) Sinode Godang HKBP ke-59, yang padi tadi dibacakan dalam Ibadah Pelantikan Fungsionaris HKBP terpilih 2008-12, di Gereja Sabungan HKBP Pearaja Tarutung.

TONA NI SINODE GODANG HKBP PA-59-HON
Ari 1– 7 September 2008 di Seminarium Sipoholon Tarutung
SIJAHAON DI GAREJA

Tabe ma di hamu di bagasan goar ni Tuhanta Jesus Kristus, Raja ni Huria i!
Tama do pujionta Debata, holan ala ni asi ni roha dohot pandonganionNa mardalan do Sinode Godang HKBP pa-59-hon, ari 1–7 September 2008 di Seminarium Sipoholon dibagasan hadameon, harentaon dohot las ni roha.

Nilinggoman ni terra: “Beritakanlah Injil kepada semua makhluk” (Jamitahon hamu ma Barita na Uli i tu nasa na tinompa, Markus 16, 15b), dohot sub-tema: “Melalui Sinode Godang 2008, HKBP mengembangkan pelayanan yang holistik, dengan memantapkan tri tugas panggilanNya: Bersekutu, Bersaksi, dan Melayani”, Sinode Godang HKBP manosohon tu ganup huria asa lam mangharonsothon panghobasion na holistik jala terpadu marondolan tu na tole panjouon ni Huria: marpungu, marpanindangion jala manghobasi di portibi on.

Tung tahamauliatehon do panogunoguon ni Tuhanta di pardalanan ni HKBP na opat taon na salpu. Sinode Godang 2008 do Sinode na parjolo na menggumuli huhut mengevaluasi Barita Jujuy Taon dohot Barita Pangulaon ni Uluan HKBP na pinillit ni Sinode Godang 2004 mangihuthon Aturan Peraturan HKBP 2002. Nunga lam denggan pardalanan ni hurianta mangeahi sintasinta (visi) na gabe huria na inklusif, dialogis jala terbuka. Tamba do ruas ni huria, angka huria nang ressort pe. Disosohon Sinode Godang do asa ganup huria mangalehon usul-usul laho, pasingkophon Aturan Peraturan HKBP 2002.

Dungkon ni i, tung dipanghilalahon Sinode Godang 2008 do paboa HKBP songon Pamatang ni Kristus. Sada do HKBP na di kota dohot na di desa, jala ringkot do lam martamba bilangan ni huria na rode masiurupan. Huria na tardok marsinadongan ingkon ungkap ma manumpahi huria na tardok gumale asa boi rents jala sauduran sandok huria di HKBP pahembanghon panghobasion. Laos i ma soda dalanta asa lam nalnal naung manjungiung baringinna (mandiri) HKBP. Rumang ni program HKBP Taon 2008–2012 pe tangkas do dirangrangi parSinode na gabe sipaihutihuton ni ganup huria, ressort, distrik dohot hatopan.

Tung tahalashon do nang pandonganion ni Debata, ai dibagasan hadameon dohot las ni roha do angka parsinode mamillit angka na gabe Uluan HKBP periode 2008-2012, ima Pdt Dr. Bonar Napitupulu gabe Ephorus, Pdt Ramlan Hutahaean, MTh gabe Sekretaris Jenderal, Pdt Dr. Jamilin Sirait gabe Kepala Departemen Koinonia, Pdt. Dr. Binsar Nainggolan gabe Kepala Departemen Marturia, Pdt Nelson Siregar, STh gabe Kepala Departemen Diakonia, dohot 26 halak na gabe Praeses laho manguluhon angka distrik.

Di periode na imbaru on, torushononta ma pardalanan ni HKBP mangulahon parsuruon ni Tuhanta Raja ni Huria i, dohot mangadopi angka tantangan-tantangan na imbaru. Ala ni i, sai tagogo ma tongtong martangiang anggiat dipargogoi jala diparbisuhi Tuhanta sude Uluan HKBP na imbaru on, asa dibagasan hasadaon ni roha, haserepon jala dibagasan unduk dohot biar mida Jahowa huhut tongtong sisada hasadaon nasida manguluhon sandok HKBP. Tatangiangkon ma anggiat dipargogoi Tuhanta HKBP laho pasauthon visi dohot misi ni HKBP mangulahon panjouonNa, huhut gabe pasupasu tu saluhut natinompa ni Debata.

Seminarium Sipoholon, 7 September 2008
Atas goar ni ruas ni Sinode Godang HKBP 2008
Ephorus HKBP,

Pdt Dr Bonar Napitupulu

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s