Kristen Sigalegale

Tingki laho hita mardalani dompak Tomok, Samosir Pulo Samosir adong ma disi Sigalegale. Ia sigalegale (Indonesia : Sigalegale, lemah luwes) mangihuthon turiturian i tutu sada anak ni raja do na naeng manortori palashon roha ni natorasna.
Ia adong taida disi sada patung na ni gorga marpahean dohot ulos bage, las ma rohanta marnidasa jala tutu manortori ma ibana.
Alai taboto do boi pe ibana manortori songon i ala adong do halak na manarik tali na adong dipudina. Sai hira na tutu ibana manortori mangihuthon urdot ala ni taganing i hape ala adong do jolma manarik angka tali tu tangan dohot patna asa manortori dope.
**
Nda godang dope sahat tu nuaeng on halak Kristen songon sigalegale.. Ingkon sai ditariktarik dope. Deba ingkon dionjaronjar dope. Ndang na mandok asa ndang masisosoan hita, alai unang be hita gabe Kristen sigalegale. Gabe laho tu gareja holan ala ditaitait sintua manang pandita. Molo sai adong dope halak Kristen i ma didok deba Kristen roda empat. Tingki tardidi, ia so i tingki malua dungi tingki kawin nang dung mate. Roda opat ma mamboan i.
Didok di buku na badia i, Unang tatadinghon parpunguanta hian songon na hinasomalhon ni na deba.. Heber 10, 25

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s