ujung taon parhuriaon 2007

ACARA MINGGU DI UJUNG TAON PARHURIAON 2007
PARNINGOTAN DI ANGKA NA MONDING
25 Nopember 2007
HKBP sa-Ress. Jorlang Huluan

1. Marende No. 125,1-3 “Marlas ni Roha hita on” BL 82
1. Marlas ni roha hita on,/ Mamuji Debata ; Ai asi ni rohaNa i do/ bongot tu rohanta i./ Umbahen nuaeng mardomu i,/ dison sadari on, Dison sadari on.
2. Dibahen i manggogo be ma hita sude./ Mamuji Tuhan Jesus i, Parasi roha i./ Sibaen las ni rohanta i,/ ;.; Nuaeng nang sogot pe ;,;
3. Alai taingot ma huhut mambahen sangap tongtong./ Barita ni Tuhanta i marhite parangenta i./ Dijolo ni donganta i,/ ;,; Diatas tano on ;,;

2. Votum
U :Marhitehite Goar ni Debata Ama, Dohot Goar ni AnakNa Tuhan Jesus Kristus, Dohot Goar Ni Tondi Porbadia, na tumompa langit dohot tano on, Amen.
Ingkon songon i do HatangKu na ruar sian PamanganKu : Ndang mulak boti tu ahu, ingkon bahenonna do lomo ni rohangKu, jala ingkon na manjadi do asa hutongos.
H :O Sude hamu angka na mauas, ro ma hamu tu aek. Jala hamu angka na so marhepeng, ro ma hamu manuhor dohot manganhon!
U : Sai ro ma hamu manuhor anggir dohot susu, Unang pola marhepeng manang marpanuhor. Sai lului hamu ma Jahowa, binsan tarbahen dope jumpang Ibana. Jou hamu ma Ibana binsan jonok dope Ibana, Haleluya…!
H: (Mangendehon) Haleluya..Haleluya.. Haleluya..
U :Martangiang ma hita, Ale Tuhan Debata, Parasiroha jala Pardengganbasa …, Amen. (Agenda HKBP 85/XIII.60)

3. Marende No 690,1+4 “Hibul Rohangku”
1. Hibul rohangku tu Tuhan Jesus./ Sude ngolungku di Tuhan Jesus. Ihuthononku do Tuhan Jesus,/ ndang olo au, sumurut be.
4. Beta ihuthon ma Tuhan Jesus./ Ho na dijou do, roham patulus./ Beta ihuthon ma Tuhan Jesus,/ Sai unang ho, sumurut be.

4. Patik :
U :Patik ni Debata dihita songon na tarsurat di Poda Sian Raja Salomo 22, 17-18 : ” Paeleng ma pinggolmu jala tangihon ma pangkataion ni halak na pistar, jala parateatehon ma pangajaranku. Ai tung hasonangan situtu do i, molo dipajop ho angka i di bagasan roham; sai rade ma luhutna i di atas bibirmu.”
U+H : Ale Tuhan Debata sai pargogoi ma hami mangulahon na hombar tu patikMi, Amen.
5. Koor Ina : ______________________
6. Marende No. 424, 3 “Soara ni Tondi” BL 284
1. Soara ni Tondi, ni Tuhanta i./ Jotjot dilaosi, ditulak ho i./ Sai tanda jeamu, pauba roham./ Dapotohon Tuhanmu, sisesa dosam.

7. Panopotion Dosa :
U: Dibagasan unduk dohot serep ni roha, tatopoti ma dosanta tu adopan ni Debatanta; martangiang ma hita : Ale Amanami jala Debatanami,na di banua ginjang. Pardenggan basa do Ho, jala ro di salelenglelengna do asi ni rohaM.
H: Sai marpamuati ma rohaM di hajahatonnami, jala sai unang ingot be angka dosanami; Ai jotjot hami mardosa maradophon Ho.
U:Jotjot husungguli hami rimasMu marhite sian pangalaosionnami, Sai unang alang asi ni rohaM, sai urupi ma hami, Ho ale Tuhan Debata hatuaonnami, palua hami, jala sesa dosanami, ala ni AnakMu Tuhan Jesus Kristus, Tuhannami, Amen.
….Tangiang na hohom….
……… Huhut ma mangkuling poti marende angonangon……
U:Antong tatangihon ma bagabaga ni Debata taringot tu angka hasesaan ni dosa : Ala ni pangalaosinta do umbahen na tartullang Kristus. Jala binahen ni hajahatonta do Ibana mabugang. Ampe tu Ibana pinsangpinsang parhitean ni hasonanganta, jala binahen ni bugangNa malum itahilala,
Hasangapon ma di Debata na di ginjang, Amen!

8. Koor ____________________
9. Marende No 175, 2-3 “Tu dia ho, Na loja i” BL 53
2. Pasahat arsak ni roham tu Tuhan Jesus i./ Sai boan ma sude dosam tu Sipangolu i./ Olo tutu, sai ro ma ho!
3. Ibana padamehon ho na loja nasailaon./ Ai molo tusi ho ro tongtong ma ho manaon./ Dibahen i, sai ro ma ho!!

10. Epistel : Daniel 12,1-3
U : Dung i di tingki uju i, hehe ma Mikhael, induk na balga i, na hehe humongkop angka anak ni bangsom. Jadi masa ma tingki hagogotan na so dung dumatangi, olat ni dung adong bangso sahat ro di tingki panimpuli; alai apala di tingki na sasada i ma malua bangsom, luhut angka na jumpang tarsurat di bagasan pustaha hangoluan.
H : Jala torop sian halak na modom di bagasan orbuk ni tano i, tarsunggul sogot: Na deba tu hangoluan salelenglelengna, na deba tu haurahon marragamragam, gabe biasbias salelenglelengna.
U : Jala halak angka na pantas marroha, marsinondang sogot songon sondang ni langit, jala nasida angka na manogunogu torop halak tu hatigoran, marsinondang sogot songon bintang ro di salelenglelengna. Martua ma angka na tumangihon hata ni Debata, jala na umpeopsa, Amen.
11. Koor _____________________
12. Marende No 723, 1 “Tu JoloM o Tuhan”
1. Tu joloM o Tuhan, sahat ma diringkon./ Pangke ma au hombar tu hataM./ Molo ndang Ho Tuhan, maringanan di au ngolungki na mararga be i./ Tung pogos pe dison, manang sonang tahe./ Marsigantung tu Ho sasude;/ Holan Ho huihuthon ndang be diringkon,/ Togutogu ma au tu na ture.

13. Manghatindanghon Haporseaon :
14. Koor ________________
15. Tingting

16. Ulaoan Parningotan Di Angka Na Monding :
a. Marende No 334,1 “Nasa Jolma Ingkon Mate” BL 186
* Nasa jolma ingkon mate,/ ingkon mago sibuk i./Na mangolu ingkon mate/ asa tung denggan muse./ Daging on do gabe bangke, jala ingkon do malangke;/ Asa sogot bangkit i, / tu hasonangan na i.

b. Manjaha Goar-goar ni angka na monding di taon huria 2006-2007
(Manghuling poti marende angonangon BL 50)
Ruas ni Huria HKBP Jorlang Huluan
1. Rohadi Sidabutar (Ama Nerri) Jorlang Huluan 4 Februari 2007
Ruas ni Huria HKBP Marihat Huluan
1. Amel Samosir (Ama Donni ) Huta Kopi 31 Desember 2006
2. Mulantainim Br Sinaga (Op ni si Dana) Pk Dolok 6 Januari 2007
3. Hanna Br Sijabat (Op Riduan) Gn Hariahan 3 Februari 2007
Ruas ni Huria HKBP Gn Pariama Sihaporas
1. Patonggi Samosir, Sihaporas Bolon 10 Januari 2007
2. Marisi K Rimta Br Simbolon 11 Juni 2007
3. Reni Br Nababan 22 Agustus 2007
4. Juandi Sijabat Aek Batu 27 Oktober 2007

c. Marende No 347,1 “Sai masipaidaan Na porsea i” BL 11
* Sai masipaidaan do na porsea i, dung sahat be langkana; Tu hasonangan i; tu hasonangan i; Tu hasonangan i.
d. Tangiang Pangondianon na niuluhon Guru Huria :
Angka sitangianghonon :
– Keluarga naung ditadinghon naung jumolo monding i
– Huria
– Parhalado Dohot Ruas HKBP Sa-Ress Jorlang Huluan.

17. Marende No 210, 1- .. “O Tuhan Na Marasiroha” BL 109
…..Pelean IA & IB ……..
1. O Tuhan na marasi roha./ Na so tardodo jolma i. Torop pe halak si pardosa,/ na rap mamuji GoarMi./ Dibaen basaM na godang i,/ Marhitehite Jesus i.
2. Dibahen Ho do pardengganan./Pasaehon dosa i sude; I do manghorhon haluaon di hita na mardosa i./ I pe mauliate ma au on, di Ho o Debata!
3. Naung ro do Tondi Porbadia tu huriaM sinuruMi./ Manunggul roha ni na porsea di nasa na pinillitMi./ Mamuji Ho do, ala ni rohangku na imbaru i.

18. Jamita : Pangungkapon 20, 11-15

19. Marende No 344,1- .. “Ungkap Bahal Na Umuli” BL 84
……..Pelean II ………….
1. Ise angka nasida di lambung ni Debata./ Na martumpal be huida, jala marsinondang be?/ Na marende do sude, girgir pamujina be.
2. I do angka na malua, angka na tutu burju./ Angka dongan na martua, naung porsea situtu./ Di Tuhanta Jesus i, na humophop sasude.
3. Haporsuhon do ditaon uju di tano on./ na marlea nasailaon; gabe hasangapon on./ Do turpuk na i nuaeng, las rohana i dibaen.

20. Tangiang Panutup (Tangiang Pelean) + Pasupasu.

Advertisements

One comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s