TATA TERTIB NATAL OIKUMENE

SE NAGORI JORLANG HULUAN & NAGORI SIHAPORAS
Kec. PAMATANG SIDAMANIK
Lap. SD Negeri Marihat Huluan : Sabtu, 29 Desember 2007

T e m a : Jesus do Raja Hadameon i (Jes. 56)
Sub Tema : Marhite Perayaan Natal Oikumene Sa Nagori Jorlang Huluan Dohot Nagori Sihaporas, Lam Marsada Sude Halak Kristen Manomunomu Era Globalisasi Dohot Hamajuaon Mangeahi Hadumaon di Tonga Keluarga, Huta Nang Di Negaranta.

I. Patujolo : Penjelasan Tu Acara

II. KEBAKTIAN
1. Marende No. 48, 1-3 “Riama Ma Hita Sasude” BL. 16
– Ria ma hita sasude, mamuji Debata. Girgir ma parendenta be, ai i do na tama, ai i do na tama.
– Diungkap Debatanta i, banua ginjang i. Disuru do AnakNa i, hangoluanta i, hangoluanta i.
– Ampuan ni AmaNa do tinadinghonna i. Tu hasiangan on do ro, tu pardangolan i; tu pardangolan i.

2. Liturgist (Agenda). L:Liturgist H:Huria
L : Marhitehite Goar ni Debata Ama, dohot Goar ni AnakNa Tuhan Jesus Kristus dohot Goar ni Tondi Parbadia, na tumompa langit dohot tano on, Amen.
“Bangso na mardalani dibagasan haholomon marnida sada panondang na bolon. Binsar sada Panondang di angka na mangingani tano na nilinggoman ni hamatean. Marrongoman bangsom ro sian lomona di ari parporanganmuna; marpahean habadiaon, songon nambur sian ampuan andos torang ro tu ho paranganmu angka na umposo”.
H : (Mangendehon)
Endehon Amen pinuji Ho Tuhan, Amen. Pinuji Ho Tuhan, endehon Amen, Amen, Amen, Amen Amen Pinuji Ho Tuhan (2X).
L : Nunga pungu hita dison manggohi joujou ni Debata tu Pesta na badia on, i ma Pesta Parningotan Hatutubu ni Jesus, Raja ni Huria i. Hita pe na martutur dibagasan mudar dohot daging ni Jesus Kristus i, asa tajalo ma Hata Na Badia dohot pasupasu bahen ngolu ni tondinta, jambar siboanonta tu tongatonga ni keluarganta be.
H : (Mangendehon) Endehon Amen pinuji Ho Tuhan, … (2X).
L : Ipe, hamu angka dongan parhobas naung mangarade saluhut na ringkot di Pesta Bolon on, asa tapasahat ma hombar tu na tinontuhon ni hasuhuton Bolon i, asa taulahon ma, Amen.
3. Koor : HKBP Marihat Huluan
4. Marende No. 56, 1+3 “Sai Ro ma Hamuna” BL. 139
– Sai ro ma hamuna, angka na porsea sai ro ma hamuna tu Betlehem. Ida dakdanak sipalua hita; tasomba ma Ibana, tasomba ma Ibana, tasomba ma Ibana Rajanta i.
– Hamu na suruan, puji ma Jahowa. Rap dohot sude na martua i. sangap di Tuhan Debata di surgo, tasomba ma Ibana..
5. Liturgi I : HKBP Marihat Huluan (1-9).
6. Koor : RK Jorlang Huluan (Bukir Elang)
7. Marende No. 136, 1-2 “Bidang dope na Holom i” BL. 38
– Bidang dope na holom i, di Bangso na di hasiangan on. ;,; Na nirajaan ni sibolis i, disomba halak angka begu i;,;
– Sai tatap bangso i sude, ai nunga loja do nasida be. ;,;Dangol na do manjou tu surgo i, mangido tolong tu Jahowa i;,;
8. Responsoria :
L : Manghilala do roha hurang do hita manghaholongi Debata nang manghaholongi dongan pe. Antong tama do hita patedekhon diri diadopan ni Debata laho mangido asi ni Roham asa tarjalo hita Raja Hadameon i.
Hita na liat na lolo, tama do hita jongjong mandompakhon Raja Hasuhuton Bolon i, laho mangido hasesaan ni dosanta; huhut mangidohon pangurupionNa dingolunta siapari. Jongjong ma hita : …Ale Tuhan Debata, Amang pargogo na so hatudosan. Parasi roha do Ho. Ama ni Tuhan Jesus sipangolu hami. Hanami halak pardosa on ro tu jolo ni habangsaMi manopoti huhut manganggukhon dosanami. Mansai jotjot huarsahi hamu Ho marhitehite pingkiran dohot pambahenannami na roa i. ndang huhaholongi hami Ho sian nasa rohanami; dohot nasa ateatenami dohot sian tondinami; nang dongannami ndang doshon dirinami hubahen hami. Dibahen i tama do rimasanMu hami jala uhumonMu hami tu hamatean salelenglelengna. Alai na maporus ma hami nuaeng tu asi ni rohaM na godang i, mangido hasesaan ni dosa saluhutna.
H : (Mangendehon) O Debata, Amanami, Asi roham di hami. O Debata parasi, Asi ma rohaM di hami.
L : Sai urupi ma hami paubahon rohanami ala ni Tuhan Jesus, Anak haholongan ni rohaM. Sipangolu hami dohot ala ni GoarNa nabadia i; Ale Tuhan, sai asi ma roham di hami na dangol on.
H : O Jesus Kristus, Parholong, asi ma rohaM di hami. O Jesus Kristus Pardame, asi rohaM di hami.
L : Nunga ditangihon Debata tangiangnta i, jala dilehon di sahapNa marhite angka bagabaga tu halak angka na porsea na olo paubahon rohana.
Ina : Ai songon on do holong ni roha ni Debata di portibi on, pola do AnakNa na sasada i dilehon. Asa unang mago ganup na porsea di Ibana, Alai asa hangoluan salelenglelengna.
Ama : Pinuji ma Jahowa, ai nunga ditangihon soara ni sombasombangki. Jahowa do pargogongku dohot lombulombungku; Marhaposan tu Ibana do ahu. Jadi dapotan pangurupion ma ahu, asa marolopolop ma rohangku jala pujion ni Endengkuma Ibana.
Naposo : Godang situtu do denggan basaM, na pineopMu di angka na mangkabiari Ho. Pinuji ma Jahowa ai tung sumurung do Asi ni rohaNa di ahu.
L : Tung na godang situtu do denggan ni basaM, na pineopMu di angka na manghabiari Ho. Pinuji ma Jahowa ai tung sumurung do asi ni rohaNa di ahu, dibagasan huta na gonting,
L + H : Amen.
9. Doding : Ina GKPS Jorlang & Marihat Huluan
10. Marende No. 61, 5+7 “Na tau las ni roha” BL. 2
– Sai tarapul ahu, dibahen Ho ;,; Tua na tumimbul, dame jumpang do:,;
– Aut dibotodongan, na sai burju Ho. ;,; Ro na marrongoman ro manopot Ho;,;
11. Liturgi II : HKBP Jorlang Huluan (1-10)
12. Koor : RK Lumban Tongatonga
13. Liturgi III : RK Jorlang Huluan (1-10)
14. Marende No. 39, 1+3 “Sonang ni Borngin Na i” BL. 64
– Sonang ni borngin ni in, sanggah roh Jesus in. Sonang modom do halak ganup, dua mando na puho in rup. Mangoromi Anak ni Jesus Tuhanta in.
– Bue i ni tua ijin. Sanggah roh Jesus in; Tor maluah pardousa use, humbai hamagouan ni hape. Benna roh sipagoluh, Jesus Tuhanta in.
15. Liturgi IV : GKPS Marihat Huluan + Jorlang Huluan (1-8)
16. Koor :
17. Marende No. 615,, 1 “Tarbege Surusuruan Marende”
– Tarbege surusuruan marende mansai uli. Angka dolok dohot rura, gok do saringar na i. Sa——ngap, Sangap ma di Tuhan. Sa——-ngap ma, sangap ma di Tuhan.
18. Liturgi V : RK Lumban Tonga-tonga (1-9)
19. Koor Gabungan Huria-Huria
20. Marende No. 52, 2-3 “Hatuaon do” BL. 55
– Hatuaon do las ni roha do, hututubu ni Tuhanta i. ;,; Domu do hita, tu Debatanta, las be, las be ma rohanta i ;,;
– Hatuaon do las ni roha do, hatutubu ni Jesus i! ;,; Las ma rohanta, mida Tuhanta, las be, las be ma rohanta i ;,;
21. Liturgi VI : HKBP Gn Pariama Sihaporas (1-7)
22. Marende No. 57, 2-3 “Nunga Jumpang Muse Ari Pesta i” BL. 202
– Beta ale dongan tu Betlehem i, itasomba ma dakdanak na disi. Na tinongos ni Parasi roha i, Debata Ama i. Hasangapon di Debata, dame, dame ma dijolma. Las ni roha ni Debata, hajolmaon muse.
– Sombanami ma di Ho na tubu on. Ho siboan dame tu portibi on; sai pasaorhon ma tu rohanami on, dameMi o Tuhan. Hasangapon di …
23. Barita Natal : Joh 15, 16 (Pdt B Situmorang)
24. Marende No. 53, 1-.. “Di Betlehem do tubu” BL. 51
-Di Betlehem do tubu, di hita Anak i. I do sian na burju, hupillit rajangki, i do, i do hupillit Rajangki.
– Tu holong ni rohaNa, hubonom rohangkon. Hulehon di Ibana, sude na di au on. Olo, olo, sude na di au on.
………..Organ………………
– Sai naeng haholonganku, Ho ale Tuhanki. Nang marsak las rohangku, ingkon lam ganda i. Olo, olo, ingkon lam ganda i.
– Burju naeng lehonongku, di Ho rohangkinon. Asi roham Tuhanku, urupi au tongtong, Olo, olo urupi au tongtong.
25. Tangiang Panutup + Tangiang Ale Amanami, …Pasupasu.
26. Amen, Amen, Amen.

Panitia Natal Oikumene Sa Nagori Jorlang Huluan dohot Nagori Sihaporas Pasahathon :
SELAMAT NATAL 25-26 Desember 2007
Dohot
SELAMAT TAHUN BARU 1 Januari 2008
Tu Sude Ruas dohot Parhalado Ni Tuhanta di luat on.
Syaloom, Horas, Menjuahjuah, Yahowu

This slideshow requires JavaScript.

Dapatkan Buku “Barita Ni Si Paradoks”

Jilid 1

Buku tentang ilustrasi kehidupan orang Kristen
Juga memuat cerita dan berita-berita paradoks dalam Alkitab
Ilustrasi Khotbah
Barita Mardongan Poda
Turiturian

Bahasa Batak; Bataks Language
123 halaman
Shrink Plastik
Cocok diberikan sebagai hadiah/ bingkisan kepada Saudara atau teman
One Sitting Reads

Harga : Rp. 15.000 / eksemplar (belum termasuk Ongkos Kirim)

Untuk pemesanan minimal 20 eksemplar
Harga : Rp. 12.500 (belum termasuk ongkos Kirim)
Via TIKI dan JNE

Pemesanan : SMS/Telp 081806407825
Atau pesan ke baktij.situmorang@gmail.com

About these ads

One comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s